小編推介 CNY必備靚爆全盒

Lady M 如意糖果全盒 每個$780
特級春節日曆和精選春節日曆 分別為$590及$490

這2個全盒可算是今年當紅品牌出品之中最靚的,造型繽紛得來帶時尚感,放在家中有氣氛又唔土氣,加上多款糖果選擇(半島精品店那個仲有茶葉!),唔使四出張羅。

先講Lady M 今年首推的新年禮盒,名「Lady M 如意糖果全盒」,撞色效果盒子打開即見2層兼附8個糖果盒的設計,可以逐盒拎出來,好方便;

而糖果口味有朱古力錢幣、香檳味松露朱古力、鳥結糖、裹上金色糖衣的原粒杏仁、Bailey’s 松露朱古力、柑橘味啫喱糖及西式焦糖糖果等,其中一款好似小飛碟的糖果,外殻以米紙製成,內裡滿是酸甜糖粉,好過癮!

另一款則比較帶中式感覺,是半島精品店出品的春節日曆,分有「特級春節日曆」及「精選春節日曆」2款選擇,內藏由正月初一至元宵佳節共15個小盒子,可以畀你按日子逐日拆開,每盒附有不同茗茶美點及賀年禮品(小編會等朋友來拜年先拆,大玩驚喜~)。

包裝精細,最尾的一個盒子更另有乾坤──就係靚靚利是封,好有心思。

Lady M 如意糖果全盒

收費:每個$780 *凡惠顧Lady M 如意糖果全盒,可獲贈玫瑰金 Lady M 利是封一套。

銷售點:3間Lady M分店

特級春節日曆和精選春節日曆

收費:分別為$590及$490

銷售點:尖沙咀半島精品店