帶情人見識 3大必食餐廳

Morton's of Chicago 情人節3道菜套餐 每位$1,088起
Pierre 情人節4-6道菜套餐 每位$1,788-$2, 588起
Seasons by Oliver E.黑鑽盛宴4-6道菜 每位$2,688-$3,688起

情人節,一間靚餐廳總不少得,然而年年都被逼食set,除了揀靚景、食物甜品具心思外,究竟仲有咩選擇?

絕對有!

為表你絕非胡亂揀一間餐廳兼有品味,以下3間餐廳絕對可以讓你show off一下自己對飲食的見識,她們背景非凡,不是超級有名氣,老饕極愛幫襯,就是具米芝蓮名銜;更重要的是好吃、靚景統統齊,包你同愛人滿意!

食黑松露見證你的愛 Seasons by Oliver E.

戀人限定黑鑽盛宴4道菜 每位$2,688,戀人限定黑鑽盛宴6道菜,每位$3,688,另設加一服務費。

黑松露又名「餐桌鑽石」,而鑽石又通常被用以比喻你對她的愛,那今年一於帶愛人去食米芝蓮星級法籍總廚Olivier Elzer設計,用上法國佩里哥的黑松露菜單,法國魚子醬配三文魚他他及松露啫喱、清雞湯配松露泡沫及法式香腸、烤海螯蝦配芹菜梳乎厘及松露牛油、牛柳配黑松露汁、松露金文不芝士配核桃沙律、雜莓慕絲配白朱古力及椰子雪花,用料矜貴,賣相亦吸引,如果你訂到檯相信對方一定讚叻叻豬!

Seasons by Olivier E.

地址:銅鑼灣恩平道28號利園二期3樓308號舖

查詢:2505 6228 *請提前預訂

朝聖米芝蓮二星餐廳 Pierre

情人節4道菜套餐 6pm入座每位$1,788,情人節6道菜套餐 8:30pm入座每位$2, 588,另設加一服務費。 

由名廚Pierre Gagnaire創立的米芝蓮二星法國餐廳,氣氛高雅、浪漫又不失時尚感,絕對是fine dining中的經典選擇。這個情人節將分2個時段,6pm起入座不單只便宜一點,更可欣賞到夕陽美景,而4道菜晚餐中剛包括Oscietra魚子醬、烤小牛仔架等;而8:30pm後開始的晚宴更是別具氣氛,設有6道菜晚餐選擇,燴藍龍蝦、香烤海鱸魚、香煎羊肉伴黑松露,款款皆用上靚食材,絕對值得帶愛人去試。

Pierre

地址:中環干諾道中5號香港文華東方酒店25樓

查詢:2522 0111 *請提前預訂

屢獲殊榮美式扒房 Morton's of Chicago 

情人節3道菜套餐 每位$1,088,另設加一服務費。 

頭盤有莫爾頓冰鎮或香烤海鮮併盤2種選擇,前者包括波士頓龍蝦、特級珍寶蝦咯嗲、珍寶蟹肉咯嗲、生蠔及阿拉斯加帝皇腳蟹;後者則有焗煙肉帶子、珍寶蟹餅、洛克裴勒焗生蠔和焗亞歷山大珍寶蝦。不喜歡海鮮,可選菠菜沙律。

主菜方面:16安士肉眼牛扒、14安士紐約西冷牛扒、24安士上等腰肉牛扒(2人份)及三文魚扒配魚子醬供4選1,仲可選配芝士松露炸薯條或炒菠菜及原粒蘑菇等(另有薯蓉,一樣咁好食!)。

至於女生最愛的甜品就以拼盤式登場,備齊迷你芝士蛋糕、朱古力慕絲及草苺,豐富到極,而且餐廳擁有靚靚維多利亞景,兼難得擁有極好服務,一定會食得好開心。

Morton's of Chicago

地址:尖沙咀彌敦道20號喜來登酒店4樓

查詢:2732 2343 *請提前預訂