一個人都可以食好啲!快速煮好海膽汁意粉十分鐘食得

一個人食飯,梗係要食好啲。

一個人在家吃飯最啱煮意粉,方便快捷之餘,份量亦可以隨自己的胃口而調較。除了普遍的番茄和白汁醬,其實自己煮醬汁亦非常容易。今次分享一個豪華版簡易食譜,最適合一個人放工後煮。只要先把意粉放入沸水煮熟,一邊煮意粉,一邊煮醬汁,十分鐘就食得!

 

材料:

闊條意粉      250克
鹽                 少許
黑胡椒         少許
牛油             10克
橄欖油          2湯匙
紅蔥             3粒
雞湯             1杯
白酒             半杯
忌廉             30克
海膽             半板

步驟:

1. 把鍋內的水煮沸,加少許鹽和橄欖油,待水滾後將闊條意粉煮至彈牙(al dente)。
2. 加熱平鑊,放入牛油,炒香紅蔥。
3. 加入白酒、雞湯 、​忌廉、海膽、鹽、和黑胡椒造成醬汁,並用攪拌機打至幼滑
4. 把海膽醬加進深鍋加熱,當醬汁煮到剛起泡,立即熄火,加入意粉拌勻
​​5. 把海膽及魚子醬加在意粉上,就大功告成啦!