香港嘉里酒店開幕 靚景Infinity Pool 黃埔居民都有jetso

小編親身走訪過泳池,現場睇真係好正啊~
房間設計時尚簡約,而且好開揚。
Lobby有好多好舒服的嘆茶位!

聽人們說Kerry說了好久,香港嘉里酒店終於開幕,距離黃埔站只需步行5分鐘,好方便!

特別在找到著名室內設計師André Fu操刀,整間酒店走urban resort style,勁玩空間感同潔淨元素,一入到去仲有以jasmine味為基調的香氣,令人覺得好舒服。

樓高16層的酒店,設有546間客房,部分房間睇到靚靚海景,不過要數到最特別的是酒店的泳池,成個infinity pool般連接海岸線,無遮無擋應該幾好曬。

酒店有4間餐廳及1間酒吧,全部都有outdoor用餐區,最正的是對正海景,節慶睇煙花一流!

暫時率先開幕的有自助餐廳大灣咖啡廳,自助餐桌勁長,由門口延伸到用餐區尾,食物款式變相都多,不過偏大路,壽司刺身、即切火腿、燒牛肉、意粉粉麵、中式點心及菜類等人有的餐廳都有,比較特別的是有多款燒海鮮,另有石頭鍋飯,新鮮即製夠熱辣辣。

另一個值得一提的,是5月中才開幕的百味村,好似美食廣場般提供十多款菜式counter,價錢相宜且有人serve,仲設有apps讓客人臨來到前可order定食物,一抵達即刻有得食,而且不設dress code,住在黃埔的朋友隨隨便便就可以去醫肚,勁方便!

現在本地朋友有特別優惠啊~~由5月12日至6月18日,本地居民可尊享每房每晚$1,888(設加一)的「本地遊開幕優惠」,可享雙人入住豪華客房一晚及大灣咖啡廳免費自助晚餐2位,不妨趁假日來個getaway。

香港嘉里酒店

地址:紅磡灣紅鸞道38號

查詢:2252 5888或www.shangri-la.com/hongkong/kerry

Text: Daphne Wu