Ben Sir專訪(2):我唔係星爺2.0

承上回,繼續用廣東話。

[延伸閱讀:率先預告 Ben Sir專訪(1):今次開show我要講咸片!]

上次講到Ben Sir來緊6月23及24日會開talk show,內容除了圍繞他曾出版的「粗口書」、博士論文(談中文量詞)及廣東話外,仲會大講港產咸片,還記得上次提到咸片名《豐乳同露》時大家都笑到收唔到聲。

Anyway,究竟有無嘉賓?Ben Sir話會有佢一班「研究院」的「學生」,如陸浩明、麥美恩等,話有人chit chat下個show先會好笑。

騷上仲有唱歌環節,而且是認真唱個種,問到會唱咩歌,Ben Sir話仲諗緊,不過應該都會係老歌…… 呀唔係,係經典金曲至真,其中應該會有張國榮的作品。

咁今次個show會唔會同佢個電視節目一樣咁好笑呢?Ben Sir講明,無人話呢個係楝篤笑,無保證好笑,不過根據佢剛才提到嘉賓一環時,應該都會係搞笑為主,兼務求各位有嘢落袋。同埋會有不少互動,如問觀眾問題或引他們發出一些怪聲(?!)。整個show會佈置到似課室,帶觀察返回90年代。

至於仲有乜嘢可以透露,Ben Sir話再講就會對唔住已買飛嘅觀眾,同埋最重要係…… 佢未度曬所有內容。(哈~)

咁而今次佢仲同《嘉兒》分享咗3個男女親密關係間常用嘅潮語,有無幫你增值見仁見智,但肯定個啲擺pose爆笑位、蝦碌失笑NG鏡頭你好少見。

(依家睇住少少,大家睇咗fb條片未?又或者上面條片?)

係喎,上回提過Ben Sir好似一個人,大家諗到未?

那就是星爺周星馳,無論係把聲,定抑或神髓……

「你係咪刻意扮人ga?」

「我次次做訪問都係咁樣講嘢,唔通我又次次都諗起星爺咩?天生嘅嘢無偈喎年輕人!」

後記:要成篇稿寫廣東話原來係好難……仲有好多字唔識打or根本變咗亂碼(汗)。

Text: Daphne Wu  Styling: Me Lee  Photography: Sze Chuen

Wardrobe: The Antidote & Karen Walker