【編輯試食】韓國百味堂來港 透心涼有機牛奶雪糕 獨有薑末紅棗味

原味牛奶雪糕 $48

又一個韓國過江龍來了香港,今次是百味堂,主打牛奶雪糕,另有忌廉蛋糕、咖啡、奶昔和脆餅等食物。

要快快去食的首要原因,是基於今次為pop-up形式,只做到9月。

其次當然是唔執輸啦!

店子跟總店一樣以木材為主調,如果不是開在K11的atrium應該會有型得多。

主打的牛奶雪糕以農場直送的有機牛奶製造,原味可以吃到好rich的奶香,但不會羶,而且不過甜。

[延伸閱讀:【編輯實試】龍蝦吧新推早午餐 吃到飽海鮮前菜連任食主菜餐牌]

喜歡它的質感不只是軟滑,而是帶有微微像冰的口感,吃起來更透心涼(不過同時間特快溶)。

而且賣相也精心設計過,唧出來的雪糕「每條」粗粗的外型,可以讓其他配料醬汁淋上時流到落下層,好細心。

它的cone都幾有型,向外延伸的頂部讓雪糕即使溶掉也不會即時弄污手。

雪糕有十幾種選擇,另有粟子、紅豆、朱古力、意大利芝士和其他生果味。

比較少見是米糖薑末及紅棗脆,材料同樣是韓國直送,前者仲特別加上米糖漿,好夾。

忌廉蛋糕個人幾鍾意,蛋糕幾綿,味道樸實,分有原味和朱古力,另外可視乎喜好揀選淋上不同配料。

[延伸閱讀:【親身試】暑假必食靚到暈Tosca x Alessi下午茶 有水準+新意]

濟洲抹茶是理所當然的受歡迎,另有士多啤梨、果麥乳酪等。

店子幾講究健康,選料盡量是有機之餘,製蛋白脆餅會用上豆蓉製,另有供應含豐富穀物的果麥脆餅,可以隨時當零食而唔怕肥。

百味堂期間限定店

地址:尖沙咀河內道 18 號 K11 地下中庭

Text & Photos: Daphne Wu(部分圖片由官方提供)