【試食分享】Palm Court x Guerlain下午茶 蜂蜜主題夠清新 附送護膚品有睇頭

特色下午茶一地都係,品牌不加多一些心思真的很難吸引人。

今次朗廷酒店Palm Court算有睇頭,首先是同Guerlain合作,其次主題是蜂蜜,最適合愛美之士;第三是賣相,酒店特別訂製了一個蜂巢型點心架,幾有新鮮感。

食物方面小編不擔心,因為Palm Court一向出品靚兼好味,而這次的下午茶亦沒有人失望,睇下餐單先:

甜點

  • Mille-Feuille 蜂蜜、雲呢拿及柚子忌廉千層酥
  • Honeycomb 伯爵茶忌廉、香橙蜂蜜果凍、手工黃金蜂巢脆糖
  • The Bee 黑朱古力與蜂蜜口味黃金馬卡龍
  • Chocolate 牛奶朱古力、鹽味焦糖、蜂蜜朱古力奶油撻
  • Mango 芒果蜂蜜慕絲、覆盆子果醬餡

鹹點

  • 挪威煙三文魚及蟹沙律粟米包
  • 烤牛肉、番茄乾、蜂蜜、檸檬配辣根忌廉
  • 薰衣草蜂蜜烤鴨胸配青瓜及車打芝士三文治
  • 煙燻雞肉慕絲及無花果麥芽麵包三文治

另配英式鬆餅及提子乾鬆餅,伴以常春藤蜂蜜、德文郡那忌廉及玫瑰花醬。

[延伸閱讀:【編輯實試】欣宜曲奇實體店 3大必食外 麻辣味雪糕三文治最過癮]

特別在,蜂蜜來自香港有機蜂場(支持本土貨yeah!),仲有齊龍眼蜜、荔枝蜜和常春藤蜜等不同款式,所以甜品的味道別具層次。

當中小編最鍾意「Honeycomb」伯爵茶忌廉、香橙蜂蜜果凍、手工黃金蜂巢脆糖,一吃已經嘗到清甜的蜂蜜味,而且質感很輕,令人好想食完再食。

「Mille-Feuille」蜂蜜、雲呢拿及柚子忌廉千層酥都好味,千層酥夠曬新鮮酥脆。

至於鬆餅,個人覺得Palm Court的出品是數一數二,所以不能錯過;而今次更特別製了常春藤蜂蜜配鬆餅,吃起來很搭配,而且比常吃的玫瑰花醬有驚喜。

有得食之餘,今次tea仲附送Guerlain Abeille Royale殿級蜂皇系列禮品套裝及專業護理服務,當中包括殿級蜂皇黃金微滴精華素 (5ml)、殿級蜂皇眼霜 (5ml)、殿級蜂皇水凝黑蜂活肌蜜及於Guerlain專門店免費預約殿級蜂皇手部按摩護理服務(15分鐘) 乙次,完成服務後免費獲贈合適產品試用裝3件。

講究用開護膚品的都知道Guerlain出品唔錯,但價錢同樣成正比,所以今次難得有禮品套裝幾吸引。

小編收到即刻試了殿級蜂皇水凝黑蜂活肌蜜,塗上後快吸收又唔「立」,如果當日皮膚不夠水份不上妝的話,先塗這個再上妝效果唔錯。

(上圖是原裝版,不是禮品版啊,是碰巧行過見擺檔拍下的一張)

唯一要彈的,是下午茶於周末、周日及公眾假期會分2個時段供應,令人有急急腳走的感覺。

其實女生坐下嘻嘻哈哈一陣又要自拍&相機先食,根本係唔夠時間,而明明下午茶是應該慢歎啊~~

[延伸閱讀:【編輯試食】韓國百味堂來港 透心涼有機牛奶雪糕 獨有薑末紅棗味]

「殿級蜂皇精華蜜下午茶」

供應日期:即日起至9月30日

時間:逢星期一至五3pm-5:30pm,周末、周日及公眾假期分兩時段供應,分別是2:15pm-4:15pm和4:30pm-6:30pm

價錢:每位$348,2位$598,另設加一。

地址:尖沙咀北京道8號香港朗廷酒店大堂

查詢:2132 7898