法國名牌 Dalloyau雪糕推買一送一優惠 限時3日

全新夏日口味玫瑰味 每杯$50

次次去Dalloyau都見人排隊買佢杯雪糕,來緊這3天應該會仲誇張,因為品牌為了慶祝8月19日的「國際軟雪糕日」,由今日起至8月20日於3家指定分店推出雪糕買一送一優惠。

只需惠顧雪糕一杯,就可以額外獲贈多一杯。

特別在除了有品牌的招牌口味黑松露朱古力雪糕,之前她們仲新推了3款夏日口味,分別是玫瑰、紅桑子及香桃芒果,但就因為雪糕機的配置問題,每間分店只會供應1款新的夏日口味,並會輪流轉換供應*。

*玫瑰 (供應期:8月於太古廣場店;9月於海港城店;10月於銅鑼灣崇光店)、紅桑子 (供應期:8月於海港城店;9月於銅鑼灣崇光店;10月於太古廣場店)、香桃芒果 (供應期:8月於銅鑼灣崇光店;9月於太古廣場店;10月於海港城店)

玫瑰味勁light,而且有點雪葩feel,好解渴!

鍾意的話,仲可以一杯招牌味,一杯夏日口味,咁就可以同朋友share多一款。

而雪糕有杯裝同cone裝揀。

松露朱古力味特濃,松露香凸出,但又不會搶去濃濃的朱古力味,質感細滑,好味!(不過真係好易溶......)

最正的是雪糕不含麩質或厚重忌廉,吃罷唔會滯膩又消暑!

記得由今日起只做3日咋!

銷售點:

尖沙咀海港城港威商場3樓GW3220號舖 / 金鐘太古廣場L2層,Kiosk 200D / 銅鑼灣崇光(香港)百貨有限公司B2層07 F-G

Text & Photos: Daphne Wu