[今晚剝光洙] 颱風下的在家作樂安排

「天鴿」和「帕卡」啱啱先走,加拿大氣象中心預計今個周末另一個又可能打到黎。打風當然係留係屋企最安全,但連續兩個禮拜放假都冇得出街真係悶到暈,其實係屋企過又有冇好怕,最緊要係你識同情人製造浪漫,就等光洙俾d idea你,趁個風未黎預早準備一個係家中過嘅甜蜜驚喜。

點子1 . 屋企露營 + 觀星
有咩好feel得過外面風大雨大,你同情人匿埋係帳幕裡面扮露營,雖然話係扮,但其實都可以扮得好真實好有feel。先上淘寶訂個4人用嘅帳幕,一般百幾蚊都有交易,空間夠你兩個係裡面打跟斗;然後順便淘個近排最hit嘅自動發熱火鍋同一盞星象燈,連運費埋單都唔使3百蚊,就可以勁有露營feel咁兩個人係裡面食嘢瞓覺兼觀星,最好用手機上youtube搵埋d草園聲扮係樹林裡面,絕對係8號風下唔怕煩到消防員又可以勁有戶外feel嘅活動。

所需物資:帳幕、自動發熱火鍋和星象燈
開支:$300

點子2 . 自製影院懶人包
外面又黑又風又雨又盛,最啱就係匿係被窩睇鬼片,一日夠你睇哂成個系列嘅saw,仲可以感受加埋風雨嘅環迥立體聲。不過睇鬼片最重要除左套片,仲要有乾糧,除薯片外仲想食d熱嘢,不妨考慮CP嘅韓式炸雞,係超市賣廿幾蚊包,打開包裝將炸雞扔入焗爐,焗完加埋包裝附有醬汁就有韓式炸雞食,打風前一日就可以預備好哂,啱哂懶人包。

所需物資:炸雞
開支:$30

點子3 . 行雷閃電啪啪啪
如果睇戲同露營都唔啱你,都係係屋企啪啪啪最實際,就可以考慮下呢個特別啪啪啪plan。首先你要預備香燻蠟燭同按摩油,先係房裡面點幾枝香燻蠟燭,再d調情音樂,然後同佢玩情慾按摩,作為前戲恰到好處,你可能會問呢d嘢點解要係打風先做,當人人打風都係屋企苦惱唔知做咩,而你俾另一半嘅感覺係早有準備今日要攪下新意思,肯定可以令佢情慾高漲,就好似係沙漠中拎出一樽冰水,,令整件事變得好有格調。

所需物資:香燻蠟燭和按摩油
開支:$150

 

80後偽文妓,

縱橫戰場多年但從不當兵。

愛聽故事愛說教,

更愛在鍵盤上啪啪啪,

用文字為床上小男人發聲。