[今晚剝光洙] 叻過男友 原來會導致分手

一個男人唔怕你蠢最怕你叻,仲要叻過佢,如果你收入或者智慧明顯高過你男友一截,作為男人就算唔講出口都一定會自尊心作祟,覺得係你面前冇哂面子,就好似以下呢個case。

男友堅持話我太叻,同我一齊好大壓力,雖然佢話好鍾意我,但仍然想分手。

我唔覺得自己叻過佢,點解佢會咁諗?

我大佢2年,有份穩定工作,人工福利都算幾好,大學畢業做左幾年嘢之後,宜家讀緊master想學多啲嘢,不過唔係咩出名學校。無家境。

男友係出名男校畢業,大學engine畢業,仲直接原校讀埋同科master(有獎學金嗰隻),宜家工作都好穩定,今日仲埋員工獎。

其實我覺得佢已經好叻,但係佢日日都好自卑咁同我講,話我太叻!佢成日話我人工高過佢(幾千蚊),份工福利好過佢,架車靚過佢,話我多人讚,多人鍾意,又話我之前無master都揾到咁錢搞到好似佢個master好似好冇用咁,又話我宜家畢業之後仲犀利,話唔知幾時先追得上我。

我成日同佢解釋,我話我大你兩年,加埋我出黎做野多你兩年(你選擇畢業即刻讀master),人工高少少好正常,唔曬咁出奇,而且爭得幾千蚊,你已經好叻,得年半工作經驗已經揾到相等於我五年工作經驗人工。

我自己就無同異性單獨出街或者傾計習慣,但係佢都係無安全感,一聽到有人讚我或者街人望我就會即刻自卑呷醋。

我地架車都係同級,只係唔同牌子。我話,咁我諗住渣20年,唔係你玩車咁樣玩引擎嗰啲。

我地benefit個package分別係我公司俾我地選擇套現,佢公司就無得套現不過有一舊錢可以買咩都得。佢成日又要比較。咁我話,其實你嗰個好啲,你有package + cash,我得二揀一,而且你個cash有我套現舊錢一半,仲好。

總之佢咩都覺得我叻過佢,但係其實我都無佢咁好前途。我工作係好冷門,佢工作係宜家需求好大嗰種管理嗰啲。

我成日話你名校中學大學master畢業,大把人請。佢interview過好多大公司,嗰陣幾份工都請。就算宜家一個禮拜都幾個head hunter係linkedin招攬佢。我根本無人招攬過,同埋in得嗰幾份,係工揀我唔係我揀工。

但佢就係咁自卑...自己叻嘢完全睇唔到,淨係覺得我叻。我心諗,我究竟有咩咁叻.....

點解佢自己咁叻都會咁樣?
我點先可以令佢無咁自卑,唔好少少嘢就覺得我好犀利令佢好大壓力咁?

如果你男友係咁,你會點?

edited source: discuss hk

80後偽文妓,

縱橫戰場多年但從不當兵。

愛聽故事愛說教,

更愛在鍵盤上啪啪啪,

用文字為床上小男人發聲。