[今晚剝光洙] 世界級辯論題:男人應幫女友俾幾多錢?

中學生辯論題目:男女朋友應否財政獨立

大學生辯論題目:男人應否為女友付錢

一生都辯論不完的題目:男人應該為女友付哪些錢

Related image

男女朋友相處就連俾錢俾幾多都係一種哲學,唔俾?女友會話你算死草,斤斤計較,同你冇將來。俾唔係問題,問題係俾幾多?咩時候俾?

食飯時男友出哂錢好正常,但如果女方要買衫,男方又應唔應該俾錢呢?我嘅建議係唔俾。因為係非送禮或有名目下幫女方俾日用品使錢,日後對方要找卡數時,甚至要俾家用,理論上都可以算到你頭上。如果你自問有李嘉誠咁多錢,又好似曾志偉咁大方,俾錢當然係無傷大雅。但如果你只係一個普通打工作仔,胡亂俾錢足以構成你地日後嗌交嘅原因。

俾唔俾錢,可以先考慮以下因素

Image result for 男女關係 插畫

1. 你有冇份用?

呢個絕對係一個好理由令你唔俾錢,如果有返工嘅佢都唔俾返自己要用嘅錢,佢究竟搵錢黎做咩?

Image result for 男女關係 插畫

2. 數目大唔大?

百幾蚊唔計,就當係你表現男人豪氣嘅一面,但如果到千蚊都唔計就等於係人肉提款機,師兄要三思

Image result for 男女關係 插畫

3. 用黎做咩?

如果真係急住用而佢又俾唔起筆錢,例如係電話費,作為男友嘅你都係要俾,但要名義上俾住先,等佢知道唔係奉旨,就算今次唔還都可以防止下次。

Image result for 男女關係 插畫

4. 佢搵得錢多定少

基本上一個人搵嘅錢係一定夠自己使,除非佢要養成家或者代父還債,如果真係有咁嘅情況,都可以暫時放低你我,幫佢渡過難關

Image result for 男女關係 插畫

致身為女仔嘅你.......

如果你奉旨當佢係ATM,咁你都唔好怪佢當你係PTGF,畢竟世界上冇單向嘅索取

想同佢長久,適當時都係要爭住俾錢。大部分男人都唔會同你計較金錢,而係在乎你嘅誠意,只要你表現到誠意,佢自然唔會同你分你我。

愛佢,就唔好當佢ATM

 

80後偽文妓,

縱橫戰場多年但從不當兵。

愛聽故事愛說教,

更愛在鍵盤上啪啪啪,

用文字為床上小男人發聲。