每日IG – 日日放Bruno上檯 勁靚擺盤增磅都抵

日本煮婦的IG往往是令人增磅的源頭,但同時畀你好多煮食貼士、擺盤心得,等你可以學返2手在家宴客時或IG上炫耀下。

今次這個@cocoapan4帳號又係愛煮愛吃的你必follow,賣點除了網主本身是煮得之一,其擅用Bruno用到出神入化的「每日餐桌」post都好誇張,除了大路地用作製pancake、烤肉之餘,還乘著餃子、意粉、炒飯、薄餅、飯糰……甚至各式早餐,單看已經令人勁肚餓!

[延伸閱讀:每日IG - 來自紐西蘭的療癒早餐 可愛得女生捨不得吃下]

當Bruno熱潮已經無之前咁勁的時候,這個IG正好為入了貨的你提供一些點子,個人覺得幾實用,如利用Bruno乘醬汁,可以保持醬汁的溫度,蘸食物時唔會有口感上的落差;又可以學Pepper Lunch般,牛肉、飯、粟米、醬汁等一併熱住上檯,保證每口都暖呼呼。個人最喜歡的就是那個早餐系列,6個煎pan煮食位正好放上pancake、太陽蛋、腸仔,賣相勁靚,食完即刻精神滿滿!

而除了長方形的Bruno,網主也用上了圓形Bruno,做鍋物、煮物或燉菜都一樣出色,仲可以洗少一隻碟。

IG內還有許多其他菜式照片,曬冷日本人最叻的「保鮮盒食物」照,豐盛的冷盤、前菜、漬物統統出爐,令你不得不佩服她們的功架。

不少得的有美麗蛋糕、甜點、冰品,還有那些你唔知點解三文治都可以整得咁靚的三文治……well,每朝點樣有動力返工,就係靠這種「睇左當食左」的美圖啊!

Instagram: cocoapan4