真防水!輕巧喇叭 野餐、行山靠曬佢

關於音響器材,老實說小編完全一曉不通,但對於Bose這個牌子還是略有認知,特別是Bose推出了全新SoundLink Micro藍牙揚聲器後,更直頭令我產生興趣,因為實在太方便!

話說小編一向走成熟女生路線,衣著打扮上跟這個Bose SoundLink Micro藍牙揚聲器完全不搭調,然而編還是喜歡行山,仲鍾意同閨密邊喝酒邊聽歌聊天,因此一直好想搵一部唔太差的揚聲器,而當然這部SoundLink Micro藍牙揚聲器是有過之而無不及的。

首先是夠輕,手掌般大,僅0.29kg重,試過將它直接掛在手袋上出街,完全不覺得是負荷,出外遠遊用正好!

其次是防水,矽膠機身設計經過防水測試,可於1米水深運作30分鐘,官方話唔怕肥皂水、氯化水及海水令之損壞,我覺得最重要的是唔怕雨水,有時野餐、行山撞正落雨都ok(touchwood朋友唔小心倒瀉酒、沖住涼聽都無有怕);同埋它的質地令你覺得好耐用,即,唔使錫住用都唔會花同污糟。

而且佢機背有條矽膠便攜帶,方便你揹住在袋上,又或者踏單車時掛在車(雖然編是唔踏單車的,但還是可以掛在很多地方啦~~)。

設有藍牙配接,可採用Micro USB充電,機頂有LED電力顯示,用剩幾多電一目了然。

至於音質,太pro的review小編唔識,不過好肯定的是以這個size音質結實有力,一點也不似是從小喇叭播出來的,輸出自然而清晰(聽返佢官網,話因為搭載了全新特製單元微型被動共振雙膜之故),睇過唔少專業review都大讚,就重量及價錢而言其實唔錯,不過顏色比較中性,得橙、黑和藍3種。

售價:$999

Text & Photos: Daphne Wu(部分為官方圖片)