冬季補濕法寶

 

女人對美容產品挑剔實屬正常,尤其喺冬天揀面霜,最忌搽咗等於冇搽咁,完全唔補濕;一係就一味得個「黏」字,好似漿糊咁。小編試用咗Neutrogena Hydro Boost™ Water Gel水活保濕凝露,一次過滿足女人對面霜嘅奄尖要求。

 

首先,水活保濕凝露嘅淺藍色半透明水狀質地非常透薄,搽上面即極速滲透,令肌膚瞬間水嫩光滑,好快就冇咗本來乾到繃緊嘅感覺喇。朝早搽完水活保濕凝露之後,上妝都比平時貼服咗;而夜晚喺護膚程序嘅最後一步搽上水活保濕凝露,迅速滲透肌膚,完全唔驚整污糟枕頭被鋪,仲要由朝潤到晚,由晚潤到朝!至於產品本身帶有淡淡香氣,聞落甜甜地,有啲似海洋味,搽完都會有種放鬆紓緩嘅感覺!

呢個冬季補濕法寶原來利用獨有嘅革命性「水源自生科技」,透過持續補水、強效修護同埋深層強化3大層面,將高純度透明質酸、煥活橄欖精華配方同埋甘油嘅功效推向極致,為肌膚自動補水,締造48小時無間水嫩。