8種職埸犯眾憎行為 網民票選最憎呢種......

當問起職場最討厭的是甚麼,相信辦公室政治是首位,然後就是無才無本領、不負責任和卸膊的老細,沒有了嗎?仲有大把!就是同事一些不經意的習慣,往往都會成為同事的眼中釘。

之前內地就有網站做了一個「職場中你討厭的人」調查,訪問了9千多人,發現投票最多的是挑撥離間、搞小圈子(佔26%),其次是推卸責任,第3位則是自命清高的人,然而其實現實中仲有好多令人犯眾憎的行徑,睇你每日遇到幾多個?

1. Non-stop吐苦水

公司裡總有一些人喜歡怨天怨地,由老細、主管、公司制度,到同事、客戶,甚至是清潔阿姐都可以是話題之一,連遲到都要抱怨交通、天氣一餐,讓人不勝其煩。

2. 拍馬屁

誰謂奉承是職場遊戲規則之一,但為了迎合上司喜好、討其歡心,而犧牲是非對錯,甚至做一些判若兩人的事,誰在老細面前小報告,大家心裡有數啦!

3. 擺架子

眼睛生在頭頂,瞧不起別人的人,永遠神憎鬼厭。

4. 雙面人

同第2點差不多,但更加擺明居馬,而且總是背後出手,同事暗箭難防。

5. 喜歡說閒話

喜歡講是講非,又愛打聽流言蜚語,都唔緊要,最乞人憎是會挑撥離間,喂!人生已經好苦,唔好再加重生活負能量好無?

6. 搞小圈子

為了個人利益互相拉攏,甚至拒某同事於門外,唔係賤人仲係咩?

7. 推卸責任

大家都有逗人工,要人做埋你個份,係咪人工有得分返先?唔公平!

8. 無敵自大

成日提醒別人自己有幾勁,做到小小成績就愛大肆宣揚,「媽呀,好煩呀呢個人……」

Photos: Internet