家中光學護膚亮白專家

之前試過用手提光學美容儀,每次只可針對面上嘅細小部位事小呀,整痛塊面就事大!小編早前試過Neutrogena細白晶透光能面膜機,當然冇以上嘅問題啦!

 

純白色嘅外形令小編聯想起白兵或者iron man,睇落好man咁;不過,有時啲嘢真係唔可以只睇外表嘅。面膜機嘅用法就係好似戴眼鏡咁掛喺面上,鼻托嘅設計連亞洲人都可輕鬆駕馭;加上面膜嘅用料非常輕巧,戴上後唔會覺得好墜;而且覆蓋性高,仲適合任何面型使用添。

 

用法好簡單,只要洗完面、抹乾面上水分後,戴上面膜,然後開啟控制器就得。每個面膜機其實都會連結一個控制器,可連續30次釋出最適量嘅修護光波(交替釋出紅光同埋紅外線),高效亮白及修復肌膚,而控制器亦裝設有計時裝置,每次10鐘就會自動熄咗,使用更簡單方便。就喺呢10分鐘,你根本冇機會睇電話或者做其他嘢,乾脆把握呢段時間,美肌之餘仲可以放鬆心情!之後,記得依照日常護膚程序,搽返精華同面霜喎!

 

用咗30日後,啲淡細同埋皺紋明顯淡咗,膚色均勻咗,仲會散發光澤,肌膚嘅彈性仲好咗添!