瑞典芬蘭麥當勞推素包 大豆製漢堡配無麥麩包勁受歡迎

Go green係hit,不過都唔夠「plant-based foods」這個名詞hit,之前便有外國權威媒體預測2018年飲食潮流,其中提到這個名詞。

香港都多了人吃素(不一定是只全素食者),因此不少素食餐廳/ 自助餐大受歡迎,如果你有印象,香港麥當勞都推過素包,用大菇及蔬菜製成漢堡扒拎去炸香,外型好似麥香雞包,現在通常佛誕先在某分店食到。

而芬蘭麥當勞原來早在上年秋天已經推出了素漢堡包,仲好受歡迎,因此成了恆常menu,並推到瑞典分店,而遲些還會在英國、美國及澳洲分店相繼登場。

據知這款漢包扒以大豆製成,配以番茄、生菜、洋蔥、茄汁、芥末醬,連包夾起來時外型十足十Big Mac;而那塊麵包更是gluten-free兼用上素蛋黃醬。

有食客食完即刻post上IG大讚好味,有人甚至話已經好耐無幫襯麥當勞漢堡包,至這款素包出現,質素不錯而價錢公道,才多了到訪麥記。

可惜香港麥當勞好似未有意思推出相關漢堡包,否則應該點都吸引過那款炸素菜菇漢堡。

Photos: McDonald's

[延伸閱讀:2018飲食潮流 你不可不知的Plant-based foods]

[延伸閱讀:【2018必食】等了又等 不含蛋的蛋終於面世]