肉球!

香港國際珠寶展參展期間,每日早出晚歸,一返到屋企,鞋未除手袋未放低,喵星人小奀就飛撲埋身,擘大喉嚨叫我,相信唔係問我今日生意或見客如何,而係話我咁夜先返快啲陪佢食晚飯。

相信每個貓迷都有幾件貓型首飾。記得2007年第一次去買keshi pearl (無核天然珍珠),見到一粒銀粉藍色肉球形keshi pearl, 嗰刻就好似十幾歲第一次見到郭富城一樣,興奮莫名! 當時已經立刻想到做一個鑽石嘅肉球吊咀,於是再揀咗三粒金色keshi pearl配襯。

各位眼利嘅貓迷朋友見到呢個吊咀可能立刻覺得奇怪,貓唔係四隻腳趾咩? 點解只有三粒金色當腳趾? 其實直到現在我都唔知點解,可能就係設計師嘅直角,三粒就夠啦~