【好好坐月】一定要洗頭!

它比許多現在香港常見的品牌有效,噴足12天,一點也唔「立」,而且有機品牌,適合孕婦及媽媽使用;可惜我暫時未在香港搵到,都是靠髮型師在外國幫我訂,如需要請留言,看看可否代購啊。
坐月期間天天都吃這些,有肉有菜有飯有湯,食得均衡且完全沒下鹽,所以一點水腫也沒有兼瘦得快~

關於坐月,網上面不少人都有以下疑問:

  1. 可唔可以洗頭 / 沖涼?
  2. 可唔可以飲水或食乜食乜食乜……

 

其實坐月有3大重點:不要受寒、吃得正氣和有足夠休息。

 

人們說不准洗頭和沖涼是因為怕受寒,以及掂過「生水」(無煲過的水)後關節會出現問題,解決方法就是在一個很暖的環境下以薑水洗澡便可,像我4個月前剛誕下寶寶時,正值最寒冷的天氣(才得幾度),「12朝」前完全沒洗過頭,只用薑水抹身,之後便每隔2天洗一次頭,同樣以薑水沖洗,洗完後在浴室用風筒吹至完全乾透才離開,那就萬無一失,到今天我仍然精神俐落無病無痛(touchwood!)。

 

*連平日洗臉 / 刷牙我都用薑水啊~~

 

至於點沖、薑水點預備,請看下面:

  1. 先刨好薑皮(大量),用細個茶包袋入好(12元店、日本城、友城都有賣);
  2. 買一個很大的深鍋,裝滿水,放3至4包入好薑皮的茶包袋,煲滾便成薑水;
  3. 另備一個紅A筒及水舀,預先將1/3熱薑水倒入待涼,到沖涼時才加入熱薑水至水溫適中;
  4. 之後便用水舀幫忙洗頭,用布抹身。(不要同步進行!著住衫洗頭,洗後包好頭才除衫抹身)

 

或許你會問:幫BB沖涼一定要用「生水」,咁點算?

的確無可能完全避免,那就唯有一幫BB沖完涼便用布將手指完全抹乾,確保手指不要沾上水氣同時吹風便可啊。

 

記得記得,保持身體淨潔很重要,因為寶寶跟我們很親近,所以絕對唔可以唔沖涼洗頭!

 

那「12朝」前如何忍住唔洗頭呢?

除了真係死忍,就是買定乾式洗髮劑,即現在時興的不用過水的洗髮噴霧,每朝噴上髮絲,梳好,再束起馬尾,最好加埋hair band,那就不怕髮絲掂到BB了,區區「12朝」,好易捱得過!

 

至於飲食方面,正常的陪月都會教授及代媽媽料理好,所以請各位媽媽不用擔心,跟足指示,不要喝一般水而只喝代茶,以及吃得清淡(完全不要放鹽,否則好易水腫)和正氣,多吃米飯和上奶湯,已經好足夠了。

 

OK,咁你又或者會問:陪月都識用薑水呢個道理,使乜你講?

其實有好多無良陪月會真係答你唔可以沖涼洗頭,目的是省回天天幫你預備薑水的時間,所以話定你知是給你有準備,就算佢唔煲,你都可以自己搞啊。