紅寶

Bonhams喺六月一號舉行咗 Rare jewels and jadeite 拍賣會, 其中有一條天然無經加熱處理緬甸紅寶石配鑽石手鏈,估價為港幣580,000 - 650,000, 最後經過二十幾口競投,最後以港幣3,160,000 成交。成為當日其中一件最熱烈競投的珠寶。

點解天然無經加熱處理嘅紅寶石會咁有價值?原因係市面上,九成以上嘅紅寶同藍寶,都有經過加熱處理。好多寶石出土時顏色好淡, 於是會加入化學物質做加熱處理,令顏色變深。又或者利用加熱,去減少寶石中嘅內含物從而去提高淨度。除咗紅,藍寶,其實好多寶石都有做加熱處理,例如紫晶,碧茜,托帕石,坦桑石等。

天然嘅,梗係值錢過加工嘅。