男友成材攝影法

男友成材攝影法

成日都有朋友inbox 問點樣可令男朋友影相靚d?宜家我要些牙一個勵志的故事。就是阿陳的蛻變。

話說以前阿陳係連單反光圈快門都唔識的人類,所有東東都係我地拍拖後由我呢個只懂皮毛卻愛班門弄斧的偽師父教佢,而一開始佢亦係影到錯晒,out fo 可以將勤補拙,但sense 呢樣野除左天生,更要訓練。

1.首先,你偶爾要讚下佢。

「嘩影得好靚wo!」、「拿岩啦以後要咁影呢個角度,叻叻!」。膚淺的佢地會為此而開心再立志以後都要影出被讚美的相。

2.搵定reference 
由於sense 呢樣野係要千錘百鍊地練回來,所以為免練成前對住個牛皮燈籠點極唔明,可以搵定參考圖,instagram或任何見到想影的就cap 低叫佢copy and paste 啦,記得再讚兩句呀。

3. 突顯佢既不同
有時試完N次都唔掂,人係會開始氣餒,此時你就要鼓勵佢!同佢講:「你得架,我係你面前先可自然地擺pose 架咋,你都影唔到冇人幫我影架啦。」OK,機已屈。

最後就係無限嘗試,屢敗屢戰的態度才能成大器,宜家阿陳終練成一個叫做稱職的男友攝影師,我都用左2、3年培訓架唔好講笑,加油努力呀親!