帶BB旅行不是(惡)夢 記緊出門要點 選好地點酒店便無有怕

見到BB對事事好奇的樣子,做媽媽的會默默感動。

第一次帶10個月大的BB去旅行,收到唔少反對聲音,來來去去都係話「佢咁細個去旅行沒意思,去完都唔會記得」、「咁辛苦,自己攞苦來辛」。

Well,確實不能同意更多,在未生小朋友前我也這樣揶揄媽媽級朋友,不過生了之後又是另一回事。

想帶她去,第一因為自己不捨得放下她,第二是因為那份回憶是屬於媽媽我的,和她一起看世界有不一樣的體會,而這是未生小朋友或嫌小朋友煩的人所不會明白的,所以這沒有好與壞,就純粹是自己的選擇罷了。

Anyway,女兒第一次出門,自己有N個緊張,為免苦了她和自己,我沒有刻意安排緊密的行程,每天大約去1至2個景點,之後便回酒店。而我最後選擇了到沖繩……

[延伸閱讀:暑假親子本地遊攻略 4間超搶手必住酒店 抵住好玩度一覽]

點解揀去沖繩呢?

去之前想過的旅遊點其實有4個:曼谷、台北、沖繩、東京。(新加坡係阿囡未識行之前我點都唔會考慮,太悶!)

主要考慮機程時間、當地醫療、是否baby family等因素,如果你身邊有具經驗的媽媽,應該都會推薦這幾個地方。

最後選沖繩因為可以自駕遊,鑑於BB的行裝實在太多,自問未有十足心理準備的話,自駕遊比較上可減輕負擔,從中你亦可以感受下帶BB去旅行是怎樣一回事,而自己不會累死。

而且沖繩是超級family friendly的,新手媽媽帶BB出門唔多唔少驚阿B失控,但去到沖繩基本上不會被歧視,去到邊都有好多BB或小朋友一齊癲,而那些媽媽都很體諒,那就不會替自己造成無形壓力;

加上去到邊都有育嬰室或換片墊設置,對於帶著未識行的BB,你會對這些貼心感激流涕!

選酒店也有要注意的地方。

是次我入住了Kafuu Resort Fuchaku(http://www.kafuu-okinawa.jp/),近恩納村,唔南唔北,對於首次帶BB唔適合轉酒店的情況下,這位置算理想,加上近琉球之牛那邊的食肆和超大的Aeon Mall Okinawa Rycom,不幸落雨去行商場都方便(當然,天氣好時一定要帶寶寶到沙灘和水族館啊,他們的樣子會令你很驚喜。)。

畀多張房相大家睇,真的好大啊~~~

選這酒店,除了因為網上評價好,間間房都望到靚海景(上面第2張圖便是露台看出去的景致啊),房間面積大之外,還因為有廚房可以煮食(方便還未可以隨便吃固體食物的寶寶)、全地板而非地毯、乾淨企理、近海灘、有大量嬰兒用品可借等理由。

[延伸閱讀:【產程】7重地獄(上)]

BB第一次出這露台時已四萬咁口,誰說BB不懂何謂美景(是媽媽你一廂情願啦好嗎!!)?

對於暫時只識趴的BB,選地板的房間好緊要,起碼可以自己抹下,乾淨點。

而她的可租借嬰兒用品是超誇張,睡覺用圍欄、玩樂用圍欄、BB椅、專用水壺等(下圖只屬部分用品,大人都有好多選擇,連蒸面機都有!)。

帶這麼少的BB遠遊,說不累是騙人,但只要選對地點和酒店,起碼辛苦度可以減半,大不少整天留在酒店游水也不錯呀!(行過對面就是沙灘了,又靚又清,仲有魚游過!!不過沙粒有點粗,太小的孩子未必適合落地行)

孩子看到這樣的景致呆了,還第一次踢海水、看魚,能夠跟她一起經歷這些是無價的。

至於第一次出門,我這個媽媽是特別緊張,加上女兒不是一個隨處都睡得著的孩子,所以我連床單、枕頭套(她聞慣自己的味會較易入睡)都帶去,各位媽媽就看看以下清單,自行篩減,也希望幫得上少少忙啊~~